طريقة الشراء من موقع mac

السلام عليكم ورحمة الله وبركاته

بعد انقطاع شديد جيت ومع خبرا حلو + طريقه الشراء منه 

http://www.maccosmetics.com/index.tmpl

طبعا من زمان وانا ابي موقع mac يقبل فيزتنا ومره كان نفسي اضبط لي باليته بس فرق الاسعار مخليني متردده 

المهم 

بالانستقرام حصلت بنوته اماراتيه مثلي مدمنة تسوق اون لاين المهم 

اشوف لها صوره انها اخذت الاغراض من ماك اغرتني تكلمت معها وسالتها باي فيزا قالت الاماراتيه 

قلت اكيد راح يضبط مع فيزتنا المهم واروح استشسرها واسالها ابثرتها معي @ammo0ola 

هذا حساب البنت 

المهم حطيت اغراض بالسله وتحسفت اني ما اخذت لي كم غرض 

اخذت باليته Pro Palette Large / Single

ب ٨ دولار متخيلين السعر سعره ٣٠ ريال 

واخذت ٧ حبات شدوعلي ١٠ دولار سعر الحبه ب٣٨ ريال 

واخذت روج كولكشن ريهانه ب١٥ دولار ٥٧ ريال 

المهم وانا اطلب كنت خايفه من كثر ما انا متحمسه بس الحمد الله تمت العمليه علي اكمل وجه 

طبعا هذي الاسعار بدون ضريبه كان الضربيه لكل هذي الاغراض 6.31 دولار 

فرق السعر كبير بين هنا وهناك 

المهم الحين الطريقه كيف الطلب 

تحطين اغراض بساله تضغطين تشك اوت 

هنا بيسالك انتي عضو جديد اوعندك حساب بالموقع 

طبعا اكيد بتحطين عضو جديد

بعده بيعطيك صفحه جديده تكتبين فيها بيناتك من اسمك وايميل ورقم التلفون وكذا 

  طبعا الاسم ورقم التلفون كتبته من عنواني حق الوردشيب 

كل البينات في بوستات السابقه 

 بعدين نحط submit 

بعد هذي الخطوه راح يجيك ايميل انه تم تسجيلك بالموقع 

بعدها تتدخلي ماي اكاونت 

وتحطين عنوان الشبنق

وبعد كذا تحطين بينات الدفع وكذا نستمتع ونطلب من ماك كل ما تبين 

الي هي رقم الفيزا اسمك وتاريخ انتهاءالفيزه والرقم الخلفي لها 

وبس

بعد هذي الخطوات وتاكيد عملية الشراء راح تجيك رساله بالايميل بالفاتوره 

 

بعد يوم او يومين ارسلو لي التراك نمبر علي الايميل 

كنت متحمسه علي بال ما توصل للبريد 

وكل ساعتين اشيك وين وصلت الحماس بعيد عنكم 

ووصلت قمة الوناسه واروح اعلم صديقاتي ان ماك قبل فيزتي رسمياااا 

هذي الصوره من الورد شيب يوم سجلوا شحنتي 

طبعااا انتظرت باقي الاغراض تتجمع في الورد شيب وعقبه يتم الشحن 

وعقب ما وصلت سعاده مو طبيعي  كاني شاريتها ببلاش خخخخ

شوفوا الاغراض 

طبعا الروج اخذ قلبي وعقلي لون خطيررررر 

طبعا الشدوات من تحت فيها مغناطيس يعني ما يحتاج تركبيين شيء عليها 

 

والحمدالله هذي علبة الشدو جدا جميله 

 

قيمة الشحن انا اجمعهم واقسم السعر الكلي علي عدد القطع المهم بكج ماك اعتبرتها قطعه كلفني شحنها ١٣ ريال بس مو بحالها معه فوق ٥٠ قطعه فا لاتفكرون تشحنون ميك اب بحاله جمعو جزم ملابس 

تجربه جميله مع موقع ماك الاصلي الي عنها اي اقتراحات للوان شدوات يعطيني اسماهم

 

وبس  

التسوق عن طريق النت 2

اهلين بنات 

 

هذا البوست تابع للبوست الي قبله جاتني اسئله كيف نسجل بالمواقع وكيف وكيف وراح اوضح لكم اكثر 

 واتمني من كل قلبي انه توصل المعلومه كامله 

واتمني ان ما احد يستغل الموضوع استغلال تجاري ( يعني تبعين علي الناس دبل سعر الغرض او تاخذين عموله كبيره ) 

تكلمنا بالبوست الاول عن الفيزا والعنوان الامريكي وطريقة استخدامه 

اليوم راح نتكلم عن كيف نسجل بالموقع وكيف يتم الطلب وتعبيئة بيانات الفيزا والعنوان

 

اول شيء كيف اسجل بالمواقع هو شيء جدا سهل خصوصا اذا عندك عنوان امريكي انا ما احب اشحن دولي لان ما يوجد عنوان واضح لوصف البيت عندنا فاعلشان كذا ما احب اقعد علي اعصابي 

التسجيل بالمواقع بحاول اوضح لكم موقع بس لانها نفس الطريقه بالضبط كل الي عليك ايميل وباسورد 

وعنوان امريكي 

نشرح بالصور 

اول شي نروح sing in 

وبعدها لnew customer 

الشرح واضح بالصوره بس ياليت تخلو ايميل للتسوق بيكون افضل لك جدا  

 

   هنا بيصير لك حساب بالموقع علي فكره الطريقه تختلف من موقع لموقع بس 

هو شيء سهل جدا 

 

نضغط علي new address

وناخذ عنوانك الامريكي وفي امكانيه عنوان بيتكم لان بعض المواقع تشحن لسعوديه 

انا انسخ والصق من عنواني الي اعطوني الوردشيب 

نحط حفظ وكذا تمام التمام 

نجرب نحط بالسله اي غرض اخترت روج ماك 

سعره ١٥ دولا بدون ضريبه  الضريبه.٩٩سنت

سوي تشك اوت وبيحسب لك الحسبه الصحيحه 

هذي الخطوه بتنطلب مره واحده حطي عنوانك مره ثانيه 

بعده حفظ وكملي الباقي 

هذي خطوتين حطيتهم بصوره واحده 

الي علي اليمين هذا قيمة السلعه مع الضريبه الي علي اليسار بيانات الفيزا حقتك 

كل الي عليك تعبين بيناتك 

اسمك +رقم الفيزاء+تاريح انتهاء الفيزاء+٣ ارقام خلف البطاقه 

وبكذا خلصنا الشيء الصعب اضغطي علي اتمام العمليه 

راح يجيك هنا رساله بالايميل بالفاتوره 

وبعد كم يوم يجيك ايميل بآن الشحنه انشحنت ويعطونك التراك نمبر 

طبعا كل موقع له طريقه خاصه بالدفع وطريقة تسجيل غير بس كلها سهله باذن الله 

الحين نجي للفيزا انا ذكرتها بالبوست الاول وراح اعيدها هنا 

الفيزا حقتي من الراجحي ياخذون عليها رسوم سنويه ١٠٠ ريال 

واول ما تتطلعين البطاقه ياخذون منكم ١٠٠ ريال بعد سعر الصرف ٣.٨٠ 

كيف نحول من الحساب الجاري للفيزاء 

عن طريق هاتف المصرفي 

او عن طريق مباشر الافراد 

وكلهم لازم تفعلونها اذا راحتوا تتطلعون الفيزاء 

يارب اكون قدرت اوصل لكم المعلومه       

ياليت كل شخص يقرا الجزئين وراح يفهم كل شيء لان كثير يجون يسالوني عن اشياء موجوده وشارحتها 

كم يكلف الشحن هذا السوال جاوبت عليه ١٠٠ مره 

الوردشيب عنده تجميع والتجميع يحسبون لك الوزن الحجمي يعني كل ما كثرت اغراضك كل ما زاد سعر الشحن 

ياليت تتدعمون المدونه اعملو لها شير بالتويتر وشكرا 

 

التسوق عن طريق النت

 بسم الله الرحمن الرحيم 

عارفه اني طولت ما نزل شيء بمدونتي بس قررت احارب الكسل فيني وقررت اكتب لكم هذي المدونه عن طريقة التسوق عن طريق النت 

يارب اكون قده واوصل لكم المعلومه بالتمام 

نبداء

كثير يقولون لي احنا عندنا فيزا نبي نشتري  ما اقدر اشرح لكم في نقطتين الموضوع طويل شوي بالبدايه لكن بعدين بيصير كل شيء سهل ومتوفر 

اول شيء راح نتكلم عن الفيزا :

انا فيزتي فيزا الراجحي تسوق فكرتها انك اذا بغيتي تشترين شيء تحولين قيمة الغرض مثلا بشتري شيء قمته ب١٠٠٠ ريال احول ١٠٠٠  ريال نسميها بالعاميه فيزا شحن طبعا في اكثر من بنك يقدم لك مثل هذي الفيزا الي اعرفهم الاهلي والبلاد والظاهر في غيرهم 

المهم تكونين مفعله مباشر الافراد علشان تسهل عليك عملية تحويل من حسابك الاساسي الي الفيزا 

انا علي كثر ما ينكبني ذا البنك بس حابه فيزتهم عندهم مميزات عن غيرهم عندهم نقاط مكافاء علي كل عمليه شرآئيه 

وصرف العمله عندهم اقل مثلا الدولار يعادل ٣.٧٥ ريال بالراجحي يعادل ٣.٨٠ ريال 

كذا تمام بالفيزا

ثانيا البريد الامريكي :

طبعا فيه شركات كثيره توفر لك بريد  بس انا راح اتكلم عن الوردشيب لانه هي الشركه الوحده الي حبيتها ولي اكثر من سنتين معهم 

صدق احيانا تجيهم حالات تاخير وكذا بس يرجعون افضل من اول 

بتكلم معكم عن طريقه الاشتراك بالصور 

هذا رابط الموقع  http://www.ws1.com/ar/

بتجيكم صحفه لازم تكتبين اسمك واسم عائلتك والايميل حقك والباس ورد 

زي كذا 

نجي للعنوان الشحن هذا العنوان علشان يتم توصيل الشحنه لك يعني لحد باب بيتكم  

لازم تكتبين عنوانك صحيح والاهم ارقام جوالاتك علشان يتم التواصل معاك 

هنا عاد اذا خلصتي حطي صح وروحي للخطوه الاخيره وهي طريقة الدفع لهم 

طبعا عندهم البيسك ب ٢٤ دولار 

والبلس ب٩٩ دولار  

حطي الدفع عن طريقة البطاقة الائتمانيه  

طبعا الموقع جدا جدا سهل التعامل 

الحين جيبي فيزتك واكتبي اسمك مثل الي بالبطاقه ورقم البطاقه وتاريخ انتهاء البطاقه وفيه من وراء البطاقه ٣ ارقام تكتبينها وخلاص تم الحين 

حطي مثل عنوان الشحن وشوي وراح يتم سحب المبلغ 

انتظري الين ما يتم تفعيل البريد واذا تاخروا لا تترددين اتصلي عليهم

خلاصنا من طريقة فتح حساب امريكي

في واحده توا نبهتني علي شغله ان كيف نكتب العنوان لان معروف ان السعوديه مخططتها عشوائيه مو مرقمه وكذا 

في المهم عندك هنا تكتبين اسم الحي حقكم والشارع ومثل ما قلت اهم شيء رقم جوال لانهم راح يتواصلون معاك بخصوص التوصيل هذا بالنسبه لفيدكس وارامكس اما الدي اتش ال ما يوصل الا لشركات او اي مقر عمل اما بيوت لا لسبب معروف وهو صعوبة الوصول الي العميل 

هذي الصوره توضح لك 

 

ملاحظه:

في خطوه تحتاجينها بس مو دايم وهي تفتحين لك حساب بالبي بال كثير مواضيع تكلمو عنها وتحتاجينها بالمواقع الي تحسينها مو مضمونه

طريقة فتح الحساب استعيني بقوقل

 

الحين اذا تم تفعيل حسابك بالورد شيب راح يعطونك عنوان خاص فيه

مثل:

 هذا العنوان ابد سوي له نسخ ولصق بجميع المواقع الي تبين تشترين منها بحط لك مثال لموقعين بس وانتم بتفهمون

هذا مثال لامازون طبعا ماحطيت طريقة التسجيل

هذي طريقة استخدام العنوان فقط التسجيل سهل جدا 

وهذا النوردستروم

الحين كيف اذا وصلت اغراضك وكيف تعرفين انها وصلت :

اول ما توصل لك الشحنه يتم ارسال ايميل يبلغونك انه تم استلام طلبك يحطون التراك نمبر وكل البيانات 

انتظري ساعه وراح تلقينها بحسابك زي كذا 

خلاص وصلت كلها كل الي عليك تحددينها وتحصلين تحت طلب شحن 

 هنا راح تتطلع لك خيارات مثل كذا 

طريقة الشحن يعني تختارين اي شركه هم عندهم خيارات كثيره

مثل دي اتش ال وفيدكس هذي سريعه وتوصل لك من ٣ الي ٤ ايام

وعندهم ارامكس اقتصادي وعندهم فيدكس اقتصادي من ٦ ايام الي ١٠ ايام وهي عندك

انا استخدم فيدكس سوا سريع او اقتصادي علي حسب اذاكنت مستعجله علي الاغراض اختار سريع واذا عادي عندي اخذت الاقتصادي

اذا فيه كوبون خصم حطيه اذا مافيه مو لازم

اذا حابه يجهزونها لك بسرعه ياخذون منك ٥ دولار

اذا شحنتك فيها شي ثمين جدا نصيحه حطي تامين اذا خرابيط لا تحطين لان الي بالجمرك هم الي يسرقون الاشياءالي عليها القيمه واحيانا تمشيء عادي

اذا طلباتك جزام تخلصي من الكراتين لان الوردشيب يحسب القيمه الشحنه بالحجم فا تخلصي من الكراتين 

والاشياء الثانيه واضحه

ارسلي طلب الشحن وبكذا يرسلون لك انه تم تجهيز طلبك وقيمة الشحنه كذا عاد حطي قيمة الشحنه بالفيزا وسدديه وبكذا خلصنا عملية الشراء وننتظر الشحنه توصل بسلامه

ملاحظه وش كبرها انتبهوا تتطلبون مناكير لان ممنوع شحنها واذا كنتوا شاكين بغرض معين اسالو الوردشيب هل هذي الشحنه ممنوع شحنها او لا وهم ماراح يقصرون بالرد 

العطورات تنشحن بس تخيس بالجمرك اذا حابه تتطلبين عطورات خصصي لها شحنه بحالها لانها بتتطول بالجمرك حوالي شهر      

كذا تمام التمام الحين تقدرون تستمتعون وتتطلبون اغراضكم بحط لكم مواقع جدا جميله وانا با استمرار اطلب منها 

http://shop.nordstrom.com/?origin=tab-logo

عندهم اغراض ماك با اسعار معقوله واصليه ١٠٠ بالميه انا دايم اطلب منهم غير الاغراض الثانيه شنط ملابس ساعات جزم 

طبعا الموقع فيه ضريبه والشحن الداخلي مجاني في خدمه شحن دولي بس ما احب فكرت الشحن الدولي

http://us.asos.com/?hrd=1

جميل جدا ملابسهم اكسسواراتهم جزمهم جدا جميله واحلا مافيه ما عليه ضريبه والشحن الداخلي مجاني في شحن دولي بعد

http://www.forever21.com/Product/Main.aspx?br=f21

معروف فورايفر ٢١ رخيص بشكل عاجيب اغراضهم حلوه جدا الموقع اذا شريتي ب٥٠ دولار يصير الشحن الداخلي مجاني بس عليه ضريبه الموقع 

http://www.folica.com

موقع مجنون جدا انا طلبت منهم اليس حقي وفير جوسي مره حبيتهم 

http://www.eyeslipsface.com/

ايلف معروف انه رخيص حلوه شدواتهم بلاشراتهم الكريميه جميله جدا وانصح فيهادايم ينزل كوبونات خصم وكذا 

http://www.sigmabeauty.com/ 

وهل يخفي القمر عن سقما 

http://www.sleekmakeup.com/

تواني طالبه منهم ما بعد جربتها بس كثير يمدحونها

http://www.drugstore.com/ 

هذا الموقع شيء جميل جدا جدا جدا تخيلوا امازون شريت من عندهم روج ب٧ دولار واشوفه رخيص لقيتها عندهم ب٢ دولار متخيلي يعطيك القيمه الصحيحه لدرق ستور اي بنت حابه تتطلب ارواج من ماركات مثل مايبلين ريفلون والخ لا تتعدى ذالموقع مو بس ارواج كريم اساس بلاشرات الخ 

http://www.sephora.com/

وصار يقبل فيزتنا الحمد الله والموقع عندهم شحن مجاني اذا وصلتي قيمه معينه وفيه ضريبه 

وطبعا ما ننسى امازون وايباي حبيباتي 

 

يارب اكون وصلت المعلومه لكم ويكون سهل الفهم ومو معقد

 وهنا مقاطع فيديو تشرح اكثر 

١

 http://www.youtube.com/watch?v=axdjo-yRFX8

٢

http://www.youtube.com/watch?v=VJdu2rhK1mQ

٣

http://www.youtube.com/watch?v=-Rst1XnAw9I

٤

http://www.youtube.com/watch?v=olYNDC08vwc

 

واتمني تستفيدون من موضوعي ما ابي منكم الا الدعاء وتدعمون مدونتي اكثر 

 نسيت اشكر الي لهم الفضل اني صرت اعرف بالتسوق عن طريق النت 

نوف مسلم وسوسو (بدويه مودرن) ايام الاقلاع وما انسى سهى ام منص  (البتول )

 

 

بسم الله نبداء

السلام عليكم ورحمة الله وبركاته 

تم فتح المدونه المدونه راح تكون شامله لطبخ /للميك اب / دروس متنوعه من( ديكور واشغال يدويه الخ ... )

طبعا خبرتي بسيطه جدا بس اتمني اني اتطور اكثر واكثر واكون قد الثقه 

اسماء